25 красавіка ў Лядзенскай сярэдняй школе Чэрвеньскага раёна прайшоў занятак ШАГ на тэму "Мая Радзіма Беларусь у асобах. З клопатам аб здароўі".

У госці да навучэнцаў была запрошана Тамара Міхайлаўна Бондар, якая выконвае абавязкі загадчыка Лядзенскай урачэбнай амбулаторыі.

Напачатку сустрэчы удзельнікі ўзнавілі веды аб сістэме аховы здароўя Рэспублікі Беларусь, даведаліся аб людзях, якія ўнеслі значны ўклад у развіццё медыцыны ў нашай краіне.

Затым Тамара Міхайлаўна распавяла дзецям аб сваім прафесійным шляху, адказала на пытанні навучэнцаў, якія ўзніклі ў ходзе гутаркі.

Разам паразважалі, якімі якасцямі павінен валодаць медыцынскі работнік і наколькі важна імкнуцца стаць добрым спецыялістам у абранай прафесіі.