Мамачка, матулечка, мамуля!
Цэлы тыдзень у кожным вугалку нашай установы пранікнёна гучалі самыя шчырыя, самыя цёплыя словы ў адрас нашых матуль…
З гонарам дзеці прадстаўлялі свае работы для фотаконкурса “Мая матуля”, з захапленнем малявалі віншавальную газету “Са святам, любыя матулі!”, а ўдзельнікі забаўляльна-пазнавальнай праграмы “ГЕНІЙ” шмат чаго даведаліся пра жанчыну-маці.
Добры настрой, сувеніры, малюнкі (зробленыя сваімі рукамі) і музычныя падарункі атрымалі матулі ад сваіх дзяцей, удзельнічаючы ў конкурснай праграме “Самая, самая, самая МАМА!”.
Для матуль, якія працуюць на МТФ в. Горкі, Горкаўская Слабада, аг. Ляды і адміністрацыі ў в.Луч, працаваў аўтаклуб “Дзякуй табе..!”. Кожная матуля змагла атрымаць музычнае віншаванне.
Завяршыўся тыдзень пасяджэннем сямейнага клуба “Здароўе”. Матулі разам са сваімі дзецьмі прымалі актыўны ўдзел у гульнёвай праграме “У самай дружнай сям’і”.