У Лядзенскай сярэдняй школе Чэрвеньскага раёна адбылася сустрэча навучэнцаў сярэдніх і старшых класаў з пракурорам Чэрвеньскага раёна Вадзімам Уладзіміравічам Кукалевічам.

Гутарка пачалася з дыялогу пра генацыд беларускага народа, пра мясцовыя помнікі ахвярам фашызму і догляд іх дзецьмі.

Вадзім Уладзіміравіч расказаў аб вязнях Чэрвеньскага раёна, аб злачынствах карных аперацый, аб адказнасці за рэабілітацыю нацызму, падкрэсліў важнасць работы па вывучэнні архіўных матэрыялаў і стварэнні базы "Генацыд".

Наступнай тэмай гутаркі стала тэма злачынстваў супраць палавой свабоды, адказнасці за іх.

Напрыканцы сустрэчы прагучала пытанне адказнасці за дробнае хуліганства і за распаўсюджанне экстрэмізму.

Дзеці выкарысталі магчымасць   атрымаць адказы на свае пытанні.