У суботу выхаванцам установы была прапанавана дзелавая гульня “Аб магчымасцях і працавітасці”.
У час гульні было праведзена анкетаванне на выяўленне здольнасцей і магчымасцей да прафесійнай дзейнасці кожнага навучэнца, а потым было прапанавана “атрымаць” кожнаму прафесіі па магчымасцям і выканаць прафесійныя заданні. Было цікава і займальна. Пасля чаго педагог-сацыяльны правяла з удзельнікамі гутарку на тэму: “Ці толькі магчымасці забяспечваюць поспех у працоўнай дзейнасці?”. Атрымалася нават дыскусія. У выніку прыйшлі да высновы: магчымасці без працавітасці не дадуць прафесійнага поспеху. Калі хочаш яго дасягнуць – выхоўвай у сабе працавітасць.